حريشات بالسميد والكاكاو سهلة ولذيذة

حريشات بالسميد والكاكاو سهلة ولذيذة

جربتهم بالكاكاو وحبيبات الشكلاط، وبصراحة جاو زوينين مع القهوة ولا أتاي. ما فيهمش تعقيد، غير خاص السميد يرتاح شوية باش يتشرب المكونات مزيان، وكيخرجو مشققين من الفوق ومن الداخل طريين.

المكونات:

300 غ سميد متوسط
نصف كأس سكر
نصف كأس زيت
كأس وربع حليب
2 ملاعق كبار كاكاو، من الأحسن يتغربل
1 فانيلا
1 خميرة الحلوى وزن 8 غ
ملعقة كبيرة نوتيلا
ربع كأس حبيبات الشكلاط
قبصة ملح
قليل من السميد للتفنيد

الطريقة:

فإناء كنخلط السميد مع السكر، الكاكاو، خميرة الحلوى، الفانيلا وقبصة الملح. من بعد كنزيد الزيت ونخدم المكونات مزيان باليد حتى يترمل الخليط شوية.

كنزيد الحليب، النوتيلا وحبيبات الشكلاط، ونخلط غير حتى تجمع العجينة. كنغطيها ونخليها ترتاح ربع ساعة باش السميد يتشرب.

من بعد كنشكل كويرات متوسطة، أنا خرجو ليا 9 حبات، وكنفندهم فالسميد. كنحطهم فطاوة مفروشة بورق الطهي.

كندخلهم لفران سخون، ونشعل عليهم من الفوق فالأول حتى يتشققو، عاد كنشعل من التحت حتى يكملو الطياب. خدات ليا تقريبًا 20 دقيقة.

كيجيو بنكهة الشكلاط خفيفة وزوينة، ومناسبين ملي تبغي تبدلي شوية على الحريشات العادية.