محنشة مالحة بالدجاج والجبن الطري

محنشة مالحة بالدجاج والجبن الطري

المكونات:

ورق الديول
بصلة مقطعة رقيقة
ملعقة صغيرة زبدة
2 قرعات محكوكين
2 جزرات محكوكين
ملح
فلفل أسود
ثوم
كروية
زعيترة
ورقة رند
قطع صدر دجاج مطهية من قبل ومقطعة صغار
معدنوس مقطع
جبن طري
أعواد خشبية صغيرة للإغلاق
زيت للقلي
ليمون للتقديم

الطريقة:

كنذبل البصل فملعقة صغيرة زبدة، من بعد كنزيد القرع والجزر المحكوكين، ونضيف الملح، الفلفل الأسود، الثوم، الكروية، الزعيترة وورقة الرند.

كنخلي الكل يطيب ويتشحر مزيان حتى تنشف الخضر من الماء ديالها. من بعد كنزيد قطع الدجاج المطهية، والمعدنوس، ونخلط كلشي مع الجبن الطري حتى يجمع لينا الحشو.

كنأخذ ورقة ديول، نطويها شوية من الفوق، ونحط الحشو فالجانب ونلفها على شكل محنشة صغيرة. كنغلقها بعود خشبي باش ما تتحلش فالقلي.

كنقليها من الجهتين حتى تتحمر، ونحطها فوق ورق المطبخ باش تقطر. كتقدم سخونة مع الليمون، وكتجي مقرمشة من برا وطرية من الداخل.

واش كتفضلو المحنشة المالحة مقلية ولا فالفران باش تكون أخف؟