زلابية البنان مقرمشة هايلة
المكوّنات
كأس ماء
2 م.ك زيت مائدة
م.ك عسيلة
رشة ملح
رشة فانيليا
كأس فرينة ناقص اصبع و نضيف مغرفتين سميد متوسط لكي يملأ الكأس
الزيت للقلي
التزين
عسيلة
جلجلان
الطريقة:
ناخذ الماء و نضيف الزيت و العسيلة و الملح و الفانيليا و نضعه على نار و نخلط حتى يبدأ الخليط يدير فقاعات نطفي عليه
نضيف للخليط الفرينة و السميد و نحرك مليح حتى نتحصل على عجينة متماسكة، ثم أخذ اللمبوط انا معنديش لابوش، و بديت نشكل في زلابية تاعي ، ثم خليتها تبرد شوية
و بديت نطيبها على نار متوسطة و لما تحمر من الجهتين نحيها و نديرها في العسيلة ثم نزينها الجلجلان ، و الله جاءت مقرمش و بنينة.شهيتكم في الصحة ان شاء الله
