خبيزات محشيين

هاد الخبيزات المحشيين جربتهم وصدقوني العجينة هي اللي عجباتني أكثر من كلشي. هشيشة وكتجي طرية، وتنفع حتى لميني بيتزا ولا فطائر صغار للوليدات أو للعشية مع أتاي. يعني وصفة عائلية بامتياز وما كتحتاجش شي حاجة معقدة.

المكونات ديال العجينة:

كأس حليب دافئ
نصف كأس ماء دافئ
ملعقة كبيرة خميرة الخبز
ملعقة كبيرة سكر
كأس فرينة أو دقيق
ربع كأس زيت
بياض بيضة
صفار البيضة نخليوه للدهن
ملعقة كبيرة خل
نصف كيس خميرة الحلوى
دقيق حسب الحاجة
رشة ملح

الحشو:

نصف بصلة مقطعة
2 فصوص ثوم
لحم مفروم
2 حبات طماطم متوسطين محكوكين
ملح
فلفل أسود
قليل من الكمون
جبن مبشور
زيتون للتزيين

للدهن والتزيين:

صفار بيضة
رشة ملح
قطرات زيت
قطرات قهوة باش يعطي لون زوين
سانوج
جلجلان
حبة حلاوة
أعشاب عطرية حسب الذوق
قليل من زيت الزيتون بعد الطياب

الطريقة باختصار:

أول حاجة كنخلط الحليب الدافئ مع الماء الدافئ، الخميرة، السكر وكأس دقيق، ونخلي الخليط يخمر شوية. من بعد كنزيد الزيت، بياض البيضة، الخل، خميرة الحلوى والملح، ونجمع بالدقيق بشوية بشوية حتى نحصل على عجينة طرية وكتلصق شوية فاليد، ما خاصهاش تكون قاصحة.

كنخليها تخمر على خاطرها، ومن بعد كنطلقها ونشكل دوائر بالكأس. كنضغط الوسط شوية باش ندير فيه الحشو.

الحشو كنوجدوه بقليان البصل والثوم مع اللحم المفروم، من بعد كنزيد الطماطم، الملح، الفلفل الأسود والكمون، ونخليه حتى يشرب مزيان. مهم بزاف نخليوه يبرد قبل ما نحطوه فوق العجين.

كنعمر الوسط بالصوص، ونزيد الجبن المبشور والزيتونة. كنذهن الجوانب بصفار البيض مخلوط مع رشة ملح وقطرات زيت وقطرات قهوة، ونرش الزريعة اللي متوفرة عندي. منين يطيبو ويتحمرو، كنذهنهم بشوية زيت الزيتون وهم سخانين.

كيخرجو بنينين بزاف، والريحة ديالهم فالدار بوحدها كتفتح النفس.

واش كتفضلوهم بحشو اللحم المفروم ولا بالدجاج؟