حلوى بدون طابع لشرب الشاي ببيضة واحدة فقط تذوب فالفم
المكونات:
- 125غ زبدة طرية
- نصف كأس زيت
- بيضة واحدة
- كأس سكر حبيبات
- 8غ خميرة الحلوى
- كأس نشا، تقريبًا 100غ
- كاكاو مر للتزيين
- دقيق حسب الخليط حتى تجمع العجينة
للتزيين بعد الطياب، اختياري:
- شوكولاتة ذائبة
- فرميسيل شوكولاتة
- كاوكاو مهرمش أو لوز مهرمش
- شوية مربى باش يلصق التزيين
الطريقة:
فإناء نخلط الزبدة مع السكر مزيان حتى تولي كريمية شوية، نزيد البيضة والزيت ونخلط. من بعد نضيف النشا وخميرة الحلوى، ونبدأ نزيد الدقيق بشوية بشوية حتى نحصل على عجينة رطبة وما كتلسقش فاليد.
نقسم العجينة كويرات صغار، نشكلهم على شكل بيضاوي بحال الحلوة اللي فالصورة. نغمس الشوكة شوية فالكاكاو المر ونضغط بها فوق كل حبة باش تعطينا هاد الخطوط الزوينة.
نرتب الحلوى فصينية فيها ورق الطهي، وندخلها لفرن متوسط حتى تشد راسها وتطيب، خاصها تبقى فاتحة وما تتحمرش بزاف باش تبقى هشيشة.
منين تبرد، نقدرو نزين الوسط بشوية شوكولاتة ذائبة أو مربى، ونرشو عليها فرميسيل أو كاوكاو مهرمش، وكل وحدة واللي متوفر عندها.
كتجي حلوة خفيفة مع أتاي، وكتنفع حتى ملي يجي شي ضيف فجأة حيث شكلها زوين ومقاديرها بسيطة.
واش كتعجبكم الحلوى اللي كتوجد بلا طابع ولا كتفضلو الأشكال اللي خاصها قوالب؟
