كيكة بالسميد و جوز الهند

طريقة جديدة ديال كيكة بالسميد و جوز الهند كيجي رائع وخفيف ويدوب في الفم

المقادير :
2 كيسان سميدة رقيقة
1 كاس حليب
1/2 كأس زيت
2 خمارات حمرين
1 فاني
قبصة ملح
1 ملعقة كبيرة سنيدة
1 بيضة
ملاحضة : ثلث الحليب غادي تخليه حتى الاخير عاد زيديه حتى ترتاح العجينة حيث
غادي تكون شربات الحليب الأول

الطريقة :
خلطي المقادير الأولى و خليها ترتاح واحد ربع ساعة ضروري تخليها ترتاح، من بعد غادي تلقايها شربات الحليب الأول كيفما قلت عاد زيدي ليها الحليب الثاني.
سخني مقلاة ما كتلصقش بحال طيفال يكون القطر ديالها 22 سم
إلا كانت عندك وحدة كبيرة ضاعفي المقادير، عملي فيها 1 ملعقة زيت ، فرغي الخليط و خليه يطيب من الجهة الأولى 10 دقائق على نار مهيلة بزاف .
حتى تشوفي الفوق ما بقاش معجن ، قلبيها بشوية و خلي الجهة الاخرى طيب عاود شي 5 دقائق، راها كتنفخ شوية.ملي طيب حطيها في طبق التقديم وزينيها حسب الرغبة.
بالصحة والراحة

يمكنكم مشاهدة الطريقة بالتفصيل من خلال هذا الفيديو.