بريوش بالكريم باتسيير
بريوش بالكريم باتسيير
إذا كنت تبحثين عن وصفة بريوش بالكريم باتسيير لذيذة لتقدميه على سفرة العزومات لديك، فلا بد ان تجربي من موقعي.نت طريقة عمل هذا البريوش الشهي
المقادير
3 كيسان د الطحين
3 معالق كبارين سكر
1 ملعقة كبيرة خميرة د الخبز
1 خميرة د الحلوى
بيضة واحدة
3 معالق كبارين دانون مسوس
قبصة ملح
لفاني
حليب دافئ لعجن العجين
2 معالق كبارين زبدة
كريم باتسيير
نصف لترو د الحليب
3 معالق كبارين سكر او اقل على حسب الذوق
بيضة واحدة
2 معالق كبارين مايزينة
لفاني
نخلطو كلشي ونعملوها فوق البوطا مع التحريك المستمر حتى يعقد
طريقة التحضير
نخلط الطحين والخميرات وسكر والبيضة ودانون وملح ولفاني
ونعجنو وادا بقا قاسح بزاف نزيدو شوية د الحليب ونعجنو خصو يكون قاسح شوية حيت عنزيدو الزبدة كيخفاف ملي نعجنوه نزيدولو الزبدة ونعجنوه مزيان
ادا بقا خفيف بزاف نزيدولو شوية د الطحين من بعد نخليواه يخمر ساعة
ونطلقواه فوق طاولة مرشوشة بالطحين ونقطعوه دوائر و نعمرو الدائرة من الوسط صافي بكريم باتسيير ونخليو الحواشي خاويين وندهنوهم بالماء من بعد نشقو دائرة اخرى بموس او جرارة البيتزا (فحال الصور)من بعد نعملوها فوق الدائرة الي معمرة بالكريمة ونضغطو عليها بيدنا ماش تتسد في دك الحواشي الي مذهونين بالماء وهيدا حتى نكملو الدوائر
(انا العجين الي جمعتو ملي قطعت منو الدوائر عملت بيه شكل اخور د الكرواصات)من بعد نخليوهم يخمرو مرة اخرى شي ربع ساعة او عشرين دقيقة من بعد ندهنوهم بالبيضة مع شوية دالحليب وندخلوهم الفرن ملي يطيبو ويتحمرو نخرجوهم ونخليوهم يبردو من بعد نرشوهم بالسكر كلاصي او ندهنوهم بالمربي د الخوخ او العسل ونرشو عليهم المكسرات مهرشلة.
